Hér kemur fram hvaða upplýsingar Vísindabrú notar, hvers vegna og hvernig þú getur haft áhrif á meðferð þeirra.
Uppfært 13. september 2026
Elvar Már Sturlaugsson, umsjón Vísindabrúar, er núverandi ábyrgðaraðili vinnslu vegna aðgangs og reksturs vettvangsins. Fyrirspurnir berist á support@visindabru.is. Þegar félag tekur við rekstrinum verða upplýsingar um ábyrgðaraðila og breytinguna birtar. Rannsóknarteymi og stofnun þess bera ábyrgð á viðkomandi rannsókn og eigin meðferð gagna sem þau taka við.
Við fáum frá þér nafn, notandanafn, netfang, símanúmer og val um tungumál og tilkynningar. Fyrir þátttakendur skráum við einnig fæðingardag, kynsval, póstnúmer, landshluta og valfrjáls áhugasvið. Fæðingardagur staðfestir 18 ára aldursmark og styður aldurstengdar tillögur. Vettvangurinn geymir beiðnir, svör sem þú sendir rannsókn, samþykki, stöðubreytingar og samskiptaferil. Við skráum einnig afmarkaða atburði um notkun og öryggi. Hýsing og póstþjónusta geta skráð tæknilegar upplýsingar um tengingar og afhendingu.
Nauðsynlegar aðgangsupplýsingar eru notaðar til að veita þá þjónustu sem þú óskar eftir, svo sem innskráningu, staðfestingu netfangs og utanumhald beiðna. Öryggi, varnir gegn misnotkun og rekjanleiki styðjast við lögmæta hagsmuni af öruggum rekstri. Valfrjálsar pósttilkynningar byggjast á samþykki sem þú getur afturkallað. Svör við spurningum rannsóknar eru send með sérstöku samþykki þínu; þau geta varðað heilsu eftir eðli spurninganna. Þú þarft ekki að senda beiðni eða slík svör til að skoða rannsóknir. Vísindabrú tekur ekki sjálfvirkar ákvarðanir um hvort þú getir tekið þátt; rannsóknarteymið metur það.
Teymi rannsóknarinnar fær samskiptaupplýsingar og svör sem þú samþykkir að deila með beiðni. Fæðingardegi úr prófíl er ekki sjálfkrafa miðlað með henni. Aðrir rannsakendur hafa ekki aðgang að beiðninni. Umsjón hefur aðgang vegna reksturs og aðstoðar. Við birtum ekki nafn eða þátttökusögu opinberlega og seljum ekki persónuupplýsingar. Vercel hýsir vefinn, Neon gagnagrunninn og Resend sendir tölvupóst. GitHub Actions vinnur og geymir dulkóðuð öryggisafrit. Þjónustupóstur fer um ImprovMX til Gmail hjá Google. Ekki öll vinnsla fer fram innan EES; meðal annars geymir Resend póst og afhendingargögn í Bandaríkjunum. Hægt er að óska upplýsinga um viðeigandi samninga og vernd við flutning gagna hjá umsjón.
Upplýsingar eru geymdar meðan þeirra er þörf fyrir aðgang, afgreiðslu beiðna, öryggi og rekjanleika samskipta. Þegar umsjón fjarlægir rannsókn eða aðgang eru tengd gögn varðveitt í lokuðu gagnasafni og ekki sjálfkrafa afmáð. Enginn sjálfvirkur lokafrestur hefur verið stilltur fyrir það safn. Þú getur óskað eftir eyðingu; þá er metið hvaða upplýsingar má eyða og hvort sérstök heimild eða skylda krefjist áframhaldandi varðveislu. Öryggisafrit og gögn sem rannsóknarstofnun hefur þegar tekið við geta verið varðveitt sérstaklega. Afturköllun beiðni fjarlægir svör og samskiptaupplýsingar úr henni á Vísindabrú, en hefur ekki sjálfkrafa áhrif á afrit hjá stofnun.
Þú getur breytt tilkynningavali, sótt eigin gögn og dregið beiðni til baka á Mínum síðum. Þú getur einnig óskað eftir aðgangi, leiðréttingu, eyðingu, takmörkun vinnslu og flutningi gagna eftir því sem við á og andmælt vinnslu sem byggist á lögmætum hagsmunum. Afturköllun samþykkis hefur ekki áhrif á lögmæti fyrri vinnslu. Sendu erindi á support@visindabru.is; almennt skal svara réttindabeiðnum innan mánaðar. Þú getur kvartað til Persónuverndar ef þú telur að vinnsla brjóti gegn réttindum þínum.
Heildarútgáfa notkunarskilmála og persónuverndarstefnu verður birt fyrir formlega opnun þjónustunnar.